PPR boru

Polietilen və ya PVC-dən hazırlanmış boru və fitinqlər üzrə yol verilən istismar temperatur həddinin 65°C olduğunu nəzərə alaraq, kanalizasiya borusuna qaynar axıntıların daxil olması nəticəsində boru kəmərlərinin deformasiyası baş verir ki, bu da öz növbəsində kipləşmə yerlərindən sızmalara səbəb olur. Buna görə də maksimum istismar temperatur həddi 95°C müəyyən olunmuş polipropilen borular digər plastik borularla müqayisədə üstünlüyə malikdir.

Analoji sistemlərlə müqayisədə polipropilen kanalizasiya boru və fitinqlərindən istifadə zamanı daşınma və quraşdırılma xərcləri orta hesabla 25-30% azdır. "METAK" şirkətinin məhsulları ISO 9001-2015 keyfiyyət idarəetmə sisteminə uyğun olaraq istehsal edilir və bütün müvafiq sertifikatlara malikdir.

Bu borular ГОСТ 32414-2013 standartına uyğun olaraq istehsal olunur və daxili kanalizasiya sistemləri üçün nəzərdə tutulmuşdur. Açıq hava şəraitində istifadə olunduqda günəş şüaları və s. xarici təsirlərdən və mexaniki təzyiqdən müdafiə vasitələrindən mütləq istifadə olunmalıdır. Aşağı temperaturlar boruların elastikliyinə mənfi təsir göstərərək onların istismar müddətini azalda bilər. Boruların quraşdırılması qaydalarına riayət olunmadığı halda "METAK" şirkəti keyfiyyətlə bağlı problemlərə görə məsuliyyət daşımayacaqdır.