Cənab Prezident Balaxanı SP-ki METAK zavodumunun açılış mərasimində

Parkın idarəedici təşkilatı “Təmiz Şəhər” Açıq Səhmdar Cəmiyyətidir.

Ərazisi 8,3 hektar təşkil edən Balaxanı Sənaye Parkında digər rezidentlərlə yanaşı METAK MMC-nin də zavodu fəaliyyətə başlamışdır. Burada “Təmiz Şəhər” layihəsi çərçivəsində toplanılan tullantı kağızından meyvə altlıqlarının (alveol) və karton qutuların istehsalı, ikinci əl xammaldan müxtəlif təyinatlı taraların hazırlanması həyata keçiriləcək. Hal-hazırda zavodda 20 nəfər işçi çalışır. Gələcəkdə daha çox iş yerlərinin açılması gözlənilir. Qeyd etmək lazımdır ki, Sənaye Parkı bütün zəruri infrastrukturla təmin olunub: Kommunal xidmətlər - elektrik, su, kanalizasiya, qaz və istilik təchizatı, tullantıların toplanması və daşınması, telefon xətti, ADSL internet bağlantısı; Daxili xidmətlər - yük maşını üçün tərəzi, anbar, təmir emalatxanası, inzibati bina (ofis), əməliyyat binası (yeməkxana, duş kabinləri, soyunma-geyinmə otağı və sair), birmərtəbəli istehsal binaları; Ümumi xidmətlər - avtobus xidməti, avtomobil dayanacağı, hasarlanmış ərazi, təhlükəsizlik və mühafizə (yanğından mühafizə sistemi də daxil olmaqla), müntəzəm ekoloji monitorinq.